ჩვენ, საქართველოს მოქალაქეები, მივიჩნევთ, რომ „საზოგადოებრივ მაუწყებელში" მიმდინარე მოვლენები არ პასუხობს მოსახლეობის მოთხოვნებს, ინსპირირებულია პოლიტიკური ჯგუფების მიერ და იმართება ვიწრო პარტიული ინტერესებით. ამ მანკიერი პრაქტიკის წყაროს ძირითადად მაუწყებლის სამეთვალყურეო საბჭო წარმოადგენს. საბჭოს შემადგენლობა თითქმის მთლიანად დაკომპლექტებულია პოლიტიკური ნიშნით,მისი წევრები არც არასდროს მალავდნენ თავის პოლიტიკურ პრეფერენციებს ნაციოანალური მოძრაობის სასარგებლოდ, რაც სრულიად შეუთავსებელია საზოგადოებრივი მაუწყებლობის ფუძემდებლურ პრინციპებთან. ყოველივე ზემოთ აღნიშნულიდან გამომდინარე, მოვითხოვთ, დათხოვნილი იქნას „საზოგადოებრივი მაუწყებლის" სამეთვალყურეო საბჭო და მის ნაცვლად საზოგადოების ნდობის მაღალი ხარისხის მქონე სხვადასხვა ორგანიზაციებისგან შედგეს დროებითი (გარდამავალი) ორგანო, რომელიც შეიმუშავებს „საზოგადოებრივი მაუწყებლის" განვითარების გეგმას, მუშაობის პრინციპებს, დანიშნავს ტელევიზიის მენეჯმენტს და საბოლოოდ გაათავისუფლებს მას ყოფილი თუ მომავალი ხელისუფლებების გავლენებისგან!